من أهوال الصحف

× البشير :- ( السودان أصبح ملجأ لكل طالب أمن واستقرار )

+ نحنا معاهم ياريس ?!.

× قسيس أمريكي :- ( رأينا في السودان تعايشاً خلاف ماكنا نسمع )

+ إنت قسيس والله.

× ( صندوق الشرق ينفذ 1000 مشروع خدمي تنموي).

+ شيلوا التلاته أصفار سريع ياناس الصندوق.

× (كاتب بريطاني لترامب :- أمريكا تحتاج للسودان).

+ نعم قد دنا عذابها ودا أخر إنذار ليها.

× ( السودان يشارك في قمه الحكومات العربية في الإمارات).

+ ماتنسوا تجيبوا لينا معاكم وديعه منهم، إن شاء الله  كريمات.

× (الرئيس البشير  يعيد الجيش إلى الأضواء بعد سنوات من الإقصاء ).

+ ما قلتوا لينا ( الكان طفا النور منو)؟.

× (الاتصالات: -  خدمه تحويل الرصيد إلى زوال ).

+ يعني حتخلوا لينا خدمة ( شفط ) الصيد بس؟

× (الحكومه:-  مارسنا دبلوماسية المياه في ملف سد النهضة).

+ معناها كانت دبلوماسية لا لون لها ولا طعم ولا رائحة.

× (المالية:ـ تدفقات نقدية وتمويلات ميسرة في طريقها للبلاد)

+ ما أظن لأنو بقينا زي  السكرجي، مافي زول بدينا تاني، لأننا  بنطشم  بيها.

× (حمايه المستهلك تضبط 2 الف طن من الفراخ الفاسد في طريقها لأسواق الخرطوم).

 

+ مالكم عليها ضابطنها) كان تخلونا ناكلا، ما أظن تكتلنا أكتر من الحكومة.

× (الحكومة:ـ لا محاصصة  في وظائف الخدمة المدنية).

+ معناها حيكون في  مجادعة، أكيد.

× (الشعبي:-  حزبنا مؤثر ولن نكون ترلة للوطني .

+ عليك الله مش كدة كدة  يالترلة؟.

× ( تفاصيل اختلاس حوافز ومرتبات الموظفين بمستشفى البان جديد).

+ نحنا ماعايزين تفاصيلهم، يقسموا  لينا معاهم بس.

ــــــــــــــــــــــــــــــ

* مسرحي ودرامي.

 تابعنا على

إشتراك في أخبار الحركةالجماهيرية بالوتس اب  أرسل جملة ( إشتراك ب الوتس اب ) على الرقم 249122970890+